እቲ ቃል ስጋ ኮነ ።

ኢየሱስ ክርስቶስ ተስፋና። ንዝኾነ ዝንበር ህያው ተፈጥሮ ምንባሩ መቀረት ክህልዎ ተኾይኑ ተስፋ ክህልዎ ኣልዎ።ተስፋ ዘለዎ ዝኾነ ብሕቂ ኩሉ ግዜ ኣይጽምሉን ኢዩ።ከም ኩሎም ኣብዛ ዓለም እዚኣ ዝነብሩ ጥራሕ ዘይኮነስ ልዕሊ ኦም ከኣ ፡ንሕና ክርስትያናት ተስፋ ኣለና።ካብ ተስፋ ዝበልጽ ናይ ተስፋታት ተስፋ ወረ።ካብ ኩለን ፍልይ ዘብላ እዛ ተስፋ እዚኣ ኸኣ ናይ ዘልኣለም ሂወት ኢያ።(1ይ ዮሐ2፡25)ከምቲ ቃሉ”ኣህዛብ ብስሙ ተስፋ ክገብሩ ኢዮም”(ማቴ12፡21) ዝተባህለ ንሕና ካብ ወገን ኣህዛብ ክንስናስ ብስሙ ተስፋ ኣሎና።(መዝ131፡3)ንሕና እንበኣር ደቂ ተስፋ ኢና።(ገላ4፡28) ብሓቂ ኣብ ምድሪ ከም ዝበጽሓና መከራታት፡ ተስፋና ኣብ ምድሪ ጥራሕ ተዝኸውን ነይሩ።ኣብ ሰማይ ተስፋ ዘይብልና ተንኸውን ነይርና ነደንግጽ ምኾና ነይርና።(1ይ ቆሮ15፡19)ግን ዘይሓልፍ ተስፋ ኣምላኽ ሂቡና።ዋላካ መከራ ተበዝሓና ብቃሉ እነናሻዕ ንሕደስ።ንሕና ብዘይ ንፈልጦስ ንሱ ሓይሊ ይህበና፡ሓይሊ ይውስኸና፡ኣብ ውሽጥና ከም ብሓድሽ ንሕደስ።በዚ ተስፋ እዚ ኢና ኸኣ ንኹሎም ዝገጥሙና ስልጣናትን ፡ኩሎሞ ተጸባእትናን ክንስዕሮም ኢና ኢልና ንድምድም።ቅዱሳን እዚ ተስፋ እዚ ስለ ዝነበሮም ብእምነት ነገስታት ሰዓሩ(ዕብ11፡33) ዋላኳ መከራን ዘይንኽእሎ ኲናትን ኣንጻርና ተተገብረ ግን ንሱ ከም ዘድሕነና ተስፋ ስለ ንገብር ኣይዓጠናን።ዋላ ተሞትና እውን ናብ ኢዱ ክንኣቱ ምዃና ንፈልጥ።ሓደ ግዜ ብ 1986 ዓ/ም፡ሓንቲ ኣደ ብ መርከብ ናብ ጓለን  ይጓዓዛ ነበራ ።እንተኾነ እታ መርከብ ሃንደበት ኣንፈታ ኣጥፍአት። ብርቱዕ ማዕበል ድማ የጋንፋ ።ኣብዚ ግዜ እዚ ኩሉ ሰብ ይበኪ ይጉሂ “ዋይ ኣደይ ዋይ ጓለይ” እንዳ  በለ ይበኪ ፡ገለ ኸኣ ዝገብሮ ጠፊእዎ ነው ነጀው ቀልባዕባዕ...

ተስፋ ኣይቆርጽን !!:: ኣብ እግዚኣብሄር ዝትኣመነ መን ኢዩ እሞ ዝሰኣነ ክጽበየ ብህድኣት ዝኾነ ተኾነ ተስፋ ቆሪጸ ጸገም ዙርያይ ክኸቦ ሰጣን ተስፋ ከቅርጸና ተበለ ተስፋ ዘየልቦ መከራይ በዚሑ ገጸይ ብንብዓት ተሓጸቦ ተስፋ ኣሎኒ መልሰይ ካብቲ ልዑልየ ዝረኽቦ ዓለም መራር እሾኽ እንተኾነትኒ ምኽሪ ረሲኣን ምሕላፍ ተኸልኣኒ ኣብቲ ከኣሊ ኣነስ ተስፋ ኣሎኒ ነፍሰየ ህድኢ ኣተጨንቅኒ ከመስግኖየ ጋና ነቲ ዝፈጠረኒ ነፍሰይ ንምንታይ ትህውኽኒ ኣብ ውሽጠይ ኣነስ ተስፋ ኣይቆርጽን ኣብ ኣምላኸይ ይጽበ ኢየ ዘለኹ ክዝከር ንብዓተይ ማይ ክመልእ ዒላይ እታ መኻን ሸውዓተ ወለደት ውርደታ ተቀየረ ናብ ክብረት ዘከራ መድሕና ተስፋ ስለ ዘይቆረጸት ንግሆ ምድሪ ሰኺርኪ ዝተባህለት ሃና ላግጺ ሰባት ምሕረት ከም ዝኾና ንዓይ እውን ቀልዲ ናይ ግዜየና ክረኽቦ ካብ ኣምላኽ ክጽበየ ጋና መጻወድያ ከብዝሕ ኣምላኽ እዛ ዓለም ብርሃነይ ከጥፍእ ከሪአኒ ጸላም ዋላ ተበለኒ ኣኺሉኳ’ዩ ደጊም ኣነስ ተስፋ ኣቅይቆርጽን ምስላጥ ሓጥኣን ዓይነይ ክርኢ ንዓይ ግን ጸቢቡ ክስእን መውጽኢ ብንብዓተይ ዋላ ይስሓቅ እቲ ጸላኢ ጋና ክጽበዮየ ነቲ ፍትሒ መውጽኢ ክሳዕ ዘለኹ ኣነስ ብህወት ክጻባበዮ’የ ንናይ ኣምላኽ ድሕነት ዋላ ኩሉ መሪርይኹን ዘይብሉ መቀረት ይፈልጥ ኣብ ኣምላኽ ከምዘየሎ ሕፍረት ቀሺ ሙሴ ሽሻይ  etiqalsgakone@gmail.com fathermusieshishay@gmail.com

ካልእ ወንጌል የሎን። ወንጌል ዝበሃል ናይ ክርስቶስ ናይቲ ብሩኽ ኣምላኽ ጥራሕ ኢዩ።ብሽም ወንጌል ገርና ካልእ ከነተኣታቱ ዘይኮና ዝግባእሲ ን ወንጌል ክንምህራ ደኣ ይግብኣና።እዚ ወንጌል እዚ ብዛዕባ ሰባት ኣይኮነን ዝዛረብ ብዛዕባ እቲ ፍጹም ሰብን ፍጹም ኣምላኽን ዝኾነ ክርስቶስ ጥራሕ እንበር። ቅዱስ ጳውሎስ ከምዚ ኢሉ ይገልጾ። 1 ይ ጢሞቴዎስ 1:11: እዚውን ከምቲ ንኣይ ሕድሪ እተዋህበ ወንጌል ናይቲ ብሩኽ ኣምላኽ ክብሪ እዩ።ወንጌል ናይ ክርስቶስ ምካኑ ይገልጽ፡ 2 ይ ቆሮንቶስ 2:12: ።ወንጌል ሰቢኸ ክብል ተኾይኑ ሰብ ብዛዕባ ስርዓቱን ጉዳዩን ዘይኮነስ ብዛዕባ ኢየሱስ ተተዛረበ ጥራሕ ኢዩ። ቅዱሳን ነዚ ገይሮም ( ግብሪ ሃዋርያት 8:35) (ገላትያ 1:9) ከምቲ ቕድም ዝበልናዮ፡ ሕጂውን ከም ብሓድሽ፥ ብዘይ እቲ እተቐበልኩምዎስ ካልእ ወንጌል ዚሰብኽ እንተሎ፡ ንሱ ውጉዝ ይኹን እብል ኣለኹ።መን ኢዩ ብዘይካ እቲ ቅዱስ ጳውሎስ ዝሰበኾ ወንጌል ካልእ ወንጌል ዚሰብኽ ዘሎ ?? ።ዉጉዝ ይኹን ይበሃል ኣሎ።(ገላትያ 1:6) ካብቲ ብጸጋ ክርስቶስ ዝጸውዓኩም ከምዚ ቐልጢፍኩም ናብ ካልእ ወንጌል ምግልባጥኩም ይገርመኒ አሎ። እዞም ወንጌል ክርስቶስ ክንልውጥ ንጽዕር ዘለና ብሽም ወንጌል ካልእ ብምትእቲታው ንስም ኢየሱስ በቢ ቁሩብ ኣህሲስና ካብ የእምሮ ኣመንቲ ክርሕቅ ንገብር ዘለና ሎሚ ንገብሮ ዘለና ደው ነቢሎ።እዚ ኹሉ ካብ ክርስቶስ ወጺእካ ዝግበር ዘሎ ዕግርግር ካብ ተኺሎ ናብ መንብሮ ነቲ ብሃዋ...