ሰብ
ወይ ሰብ
ወይ ሰብ
ልቡ ኣይርከብ
ዘረብኡ ኣይእከብ
ነገራት ከላግብ
ብዘለዎ ኣይዓግብ
ኣብ ክንዲ ምስጋና ዘቅርብ
ሰብ ምኻኑ ረሲዑ ሰብ ሆየ
ወይ ሰብ ይብል ከምዛ መኒነቱ ክሸጣ ዝደለየ
ይነብር
መዋእሉ እንዳ ተመንቀየ
ካብ
ሰብ ናብ ሰብ እንዳ ፈላለየ
ብናይ
ሰብ ተንኮል ክንደይ ዘይጻሓየ
እታ ኣብ ገነት ዝነበረት ኦም እኳ ኢላ ደምየ
ሰብ
ሰብ ክንሱ ይብል ሰብ ዝብልዎ
ሞት ይግብኦ ይፍርድ ሰብ ምኻኑ ረሲዕዎ
እንስሳ ዜበት ገሪሙዎም በቲ ዝርእይዎ
በይነይ ይሕሰኒ ኣይደልን ሰብ ይብል ምስ ሰምዕዎ
ለከ ባህሪኡ ፈሊጡ ኣምላኽ በይኑ ፈጢሩዎ
ሓደ እዩ ነይሩ ከምዚ ህጂ ሰብ ኣይትርኣይዎ
ሎምስ ብ ሰብ ተፈጥሮ እኳ ገሪሙዎ
መን ኢዩ ግን እቲ ሰብ??
እቲ
ዘይብሉ ሕልና እንትርፎ ክበልዕ
ኣብ
ግዜ ሽግርካ ምስ ካልእ ዝልክዕ
ምስቲ
ሓያል ኮይኑ ንድኹም ዘንብዕ
ክርህዎ
ዝሰጎካ ክጨንቆ ዝጽውዕ
እቲ
ወይ ሰብ እንዳበለ ስጋ ሰብ ዝበልዕ
ንሱ
ብ ገንዘብ ይጻወት ሓዉ ብጢመት ይነብዕ
እዚ
ድዩ እቲ ሰብ ብልክዕ
ሰብ
እንታይ ኮን ኢዩ ንሰብ ሰብ ዘብሎ
ሕልና ክህልዎ ከሎ
በታ ዘላቶ ክዓግብ ከሎ
ካብቲ ዘለዎ ንዘይብሉ ከማቅል ከሎ
ከጸናንዕ ሰብ ክጭነቅ ከሎ
ኣየናይ ሰብ ኢዩ ኣምላኽ ዝቅበሎ
ሓራሚ ኢለ ብዛዕባ ሰብ ብዙሕ ምተገብሮ ዉዕሎ
ሰብ
ወይ ሰብ ይብሉ ሰብ ተኾኑ
ምስ
ብጻዮም ምስምማዕ ምስ ሰኣኑ
ሰብ
ርጉም ይብሉ ይሓዝኑ
ኣንታ
ሰብ ከፊኡ ይብሉ እንታዩ እዋኑ
ነቲ
ሰብ ረሲዖም ሰብ ምኻኑ
ኣብ ሽዑ በጺሖም ኣጋይሽ ይኾኑ
ቀደም ሰብ ኣብ ገነት ክነብር ከሎ
ፈጣሪ ካብታ ኦም ኣይትብላዕ ምስ በሎ
ነታ ትእዛዝ ጎይታ ክስዕራ እንከሎ
ምስቲ መንፈሳዊ ጸጋ ሰብኣውነት ተኸወሎ
ነቲ ቅኑዕ ሰብኣውነቱ ከደኖ ደበሎ
በዚ ድማ እዩ እንዳ ተወቀሰ ዝነብር ዘሎ
ሓጢኣት እንዳፈተኖ ዝነብር ዘሎ
ሰብ
ኣንታ
እዚ ሰብ
መዋእሊ
ክዛረብ ብሰብ
ስኢኑዶ
ዝብሎ ዓገብ
ብሓንሳእ
ሰማይን ምድርን ኣላግብ
ወይ
ጉድ ይብል ሰብ
ከምዚ
ህጂ ክረክብ
ዋላ ኣነ እየ እኮ ዝብል ኣየ ሰብ
እንከለኹ ሰብ
ምስ ሰብ ዝዋሰብ
ምስ ሰብ ዝላዘብ
እንታዩ ወደይ እዚ ሰብ
ዋእ ኣነ ኸኣ ሰብ
ዘይክኣል ከሎ ክትነብር ብዘይ ሰብ
ትጸልእ ሰብ
ወይ ሰብ
ቐሺ ሙሴ ሽሻይ
No comments:
Post a Comment